Ingerlatsinermi oqartussaasoq suliamik ilinnut tunngasunik suliarinninnerminut atatillugu inatsimmik unioqqutitsisimasoq allatigulluunniit kukkussuteqarsimasoq isumaqaruni oqartussaasup pineqartup tamatuminnga nassuiaannissaa Ombudsmandip suliassaraa. Suliaq ilinnut tunngasoq oqartussaasup isumaliutersuutigissagaa nutaamillu aalajangiivigissagaa Ombudsmandip inassuteqaatigisinnaavaa.

Ombudsmandi suliami ilinnut tunngasumi nutaamik aalajangiisinnaanngilaq

Ombudsmandi taarsiivigineqassasutit aalajangiisinnaanngilaq. Oqartussaasup kukkussutigisai pissutigalugit taarsiivigineqarnissat kissaatigigukku Ombudsmandip tamatumani ikiorsinnaanngilaatit. Pisumi taamaattumi oqartussaasumut suliami ilinnut tunngasumi aalajangiisimasumut saaffiginnissinnaavutit. Oqartussaasup taarsiivigiumanngippatit taarsiissutit pillugit apeqqummik aalajangiiviginnissinnaasutuat tassaapput eqqartuussiviit.