Namminersorlutik Oqartussat kiisalu kommunillu ataanni pisortani oqartussaasut Ombudsmandimut naammagittaalliuutigisinnaavatit. Oqartussaasut taakkua aalajangiineri oqartussaasullu ilinnik pinninnerat suliamilluunniit ilinnut tunngasumik suliarinninnerat naammagittaalliuutigisinnaavatit.

A/S Inissiaatileqatigiiffik INI aamma naammagittaalliuutigisinnaavat, tassa suliani Inissiaatileqatigiiffik Namminersorlutik Oqartussat kommuniluunniit sinnerlugit aalajangiisimappat.

Makku pillugit naammagittaalliuutit Ombudsmandip suliarisinnaanngilai:

• Inuit ataasiakkaat suliffeqarfiillu namminersortut.

• Danmarkip naalagaaffiani oqartussaasut, soorlu politiit, eqqartuussiviit, pinerluuteqarsimasunik isumaginnittoqarfik aamma Naalagaaffiup Sinniisoqaarfia.

• Aktiaateqarluni ingerlatseqatigiiffiit pisortanit pigineqartut, soorlu Royal Greenland A/S, Tele Greenland A/S aamma KNI-p ingerlatseqatigiiffii.

Suliat ilaat Ombudsmandip suliniaqatigiiffiit il.il. aalajangersimasut eqqar-saatigalugit pisinnaatitaanera eqqarsaatigalugu piffissap ingerlanerani isumaliutersuutissaqalersitsisarsimapput.

Ombudsmandi uku pillugit naammagittaalliuutinik suliarinninnissaminut pisinnaatitaasutut imminut ilaatigut isigaaq:

•  Kalaallit Nunaanni Kommuninik Nakkutilliisoqarfik.

• Atuisartunut Pisisartunullu Siunnersuisoqatigiit.

• Kalaallit Nunaanni Tunillaassortunik Nappaalanersuaqarneranut Ataatsimiititaliarsuaq.

Naammagittaalliuutit Ombudsmandip suliarisinnaaneraa nalornissutigigukku Ombudsmandi saaffigisinnaavaat.