Su­li­at Ombudsmandip 2023-mi ta­ma­nut saq­qum­mi­us­sai tul­li­ut­tu­ni ta­ku­ne­qar­sin­naap­put. Su­li­at taak­ku ul­lut ta­ma­nut saq­qum­mi­un­ne­qar­fi­tik ma­lil­lu­git tul­le­riin­ni­ler­ne­qar­si­map­put.

2023-1 Piffissaq kommunip suliamik suliarinninnerminut atugaa suliamillu suliarinninnera akuerineqarsinnaanngitsut. Oqaaseqaat 9. marts 2023-meersoq malitseqartitsinertalik.

2023-2 Naalakkersuisut aalajangernerat inatsisikkut tunngavigisatut atuussinnaassuseqanngilaq. Naalakkersuisoqarfik inatsimmik naapertuuttumik tunngaveqartussaanermik piumasaqaat tunngaviginagu iliuuseqarsimavoq. Oqaaseqaat 22. marts 2023-meersoq malitseqartitsinertalik

2023-3 Kommunip suliamik soraarsitsinermut tunngasumik suliarinninnera kukkussutillu pillugit qisuariannginnera isorisariaqartuusoq. Oqaaseqaat 3. maj 2023-meersoq malitseqartitsinertalik

2023-4 Avannaata Kommuniata suliamik suliarinninnginnera piffissap suliamik suliarinninnermut atorneqartup ukiut sisamat sinnerlugit sivisussuseqarneranik kinguneqarpoq. Oqaaseqaat 13. juni 2023-meersoq

2023-5 Kommunip angerlartitsisoqarnissaanik aalajangiisimannginnera kommunillu inissiisoqarnissaanik aalajangiinermik atuutsitsisimannginnera isorisariaqarluinnartut. Oqaaseqaat 26. juli 2023-meersoq malitseqartitsinertalik.

2023-6 Kommunip utoqqaat illuanni najugaqartussamik pineqartoq akuersitinnagu inissiisimanera pissaanermillu atuisarneq pillugu inatsimmi malittarisassanik malinissimmannginnera isorisariaqarluinnarpoq. Oqaaseqaat 26. juli 2023-meersoq