Inatsisilerituutut sullissinermik suliaqartussamik pissarsiorpugut (fuldmægtigitut, immikkut siunnersortitut imaluunniit siunnersortit pisortaattut) septemberip  aallaqqaataani 2025-mi isumaqatigiissuteqarnikkulluunniit atorfinittussanik.

Namminersorlutik Oqartussat Nunatsinnilu kommunit inatsisiliornermik atuuttumik malinninnerannik nakkutiginnittussatut Ombudsmandi toqqarneqarpoq.

Innuttaasunit naammagittaalliuutinik annertunerusumik suliaqartarpugut. Tamatuma saniatigut aamma nammineerluta suliniuteqarnikkut misissuiffigisassanik suliaqartarpugut, soorlu assersuutigalugit sammisat naammagittaalliut imaluunniit tusagassiuutini sammineqartut immikkut aallaavigalugit, soorluttaaq kommuninut angalanerit paaqqinnittarfinnullu misissuiartornerit aamma ingerlanneqartartut. Tamanna isornartorsiuisoqarneranik imaluunniit oqartussat aalajangiinerminnik suleriaatsiminnilluunniit nalilersueqqinnissaannik peqquneqarnerannik kinguneqarsinnaavoq, suliami ombudsmandimit oqaaseqaatigineqartut tunngavigalugit.

Sulianik suliarinninneq inatsisilerinermi pisortaq inatsisilerituutullu sullissinermik suliaqartut allat suleqatigalugit ingerlanneqassapput. Sulianik suliarinnittup sulinini annertuutigut nammineq pilersaarusiorsinnaavaa suliakkiissutigineqartullu naammassineqarnissaasa tungaannut malinnaavigisinnaallugit.

Tamatuma saniatigut sulianik suliarinnittut suliassani allani allaffissornikkullu suliassani allani annikinnerusumik peqataasarput.

Atorfimmut piginnaasassat

• jur.-itut imaluunniit bac.jur.-itut ilinniagaqarputit atuagarsornikkut piginnaasaqarluarlutit allattariarsornikkut oqaaseqatigiiliullaqqissuullutit. Bac.jur.-itut ilinniagaqaruit naatsorsuutigaarput ukiualuit iluanni kandidatitut naammassinissat, isumaqatigiinnikkullu tamatumani periarfissannik ikorfartuijumaarpugut.
• Pisortat pillugit inatsiseqarnermik immikkut soqutigisartuuvutit ingerlatsinerlu pillugu inatsiseqarneq pullaviginerorusuppat.
• Inatsisilerinikkut ajornartorsiutinik pisariusunik assigiinngiiaartunillu paasinnillaqqissuuvutit
• Akisussaassuseqarluartuuvutit suliassatillu namminersuullugit suliarisinnaallugit
• Attuumassutilimmik misilittagaqareerputit, soorlu assersuutigalugu qitiusumik allaffeqarfissuarmit, eqqartuussivinnit, kommuninit imaluunniit eqqartuussissuserisutut suliaqarfimmit. Ilinniakkaminnik naammasserlaat aamma ilaatinneqarsinnaapput.

Kikkuuvugut

Suliffipput mikisunnguuvoq, maannakkut sulisorineqartut tassaallutik ombudsmandi, inatsisilerinermi pisortaq nutserisullu pisortaat. Taakku saniatigut sullissisut arfiniliupput, nutserisoq allatsilu.

Suliffik pitsaasoq sulinermilu pitsaasunik avatangiiseqartoq, suliassallu tamarmiusut naammassiniarneranni ikioqatigiiffiusoq neqeroorutigaarput.

Pingaartumillu ilinniakkaminnik naammasserlaanut neqeroorutigaarput inatsisilerinikkut pitsaasumik, patajaatsumik tamatigoortumillu ilinniartitsinissaq, tamannalu inatsisilerituutut kingusinnerusukkut sulinermi qaffakkiartornissamut iluaqutigilluarsinnaassavat.

Piffissaq suliffiusoq sapaatit akunnerannut nalunaaquttap akunnerinik 40-nik sivisussuseqarpoq. Qaangiuttoorluni sulineq nalinginnaasuunngilaq. Piffissat suliartorfiusartut soraarfiusartullu nikerartinneqarsinnaapput pissutsillu allatigut aamma eqaatsuullutik.

Sulisunut inissiamik inissaqartitsivugut, malittarisassat atuuttut malillugit akilersor-neqartussamik. Atorfinikkiartorlutit angalanerit pisattavillu assartorneqarnerat akilissavagut. Ukiut pingasut atorfeqartitaareerlutit soraaruit angalanermut pequtillu assartornerinut aningaasartuutinik akiliunneqassaatit.

Akissarsiat atorfinitsitsinermilu atugassarititaasut

Akissarsiat atorfinitsitsinermilu atugassarititaasut Inatsisartut Siulittaasoqarfiata DJØF-illu isumaqatigiissuteqarnerisigut aalajangersarneqartarput. Tunngaviusumik akissarsiat tapillu Kalaallit Nunaanni qitiusumik allaffeqarfissuarmi fuldmægtigit akissarsiaannut naapertuupput. Taakkua saniatigut ukiut qassit sulisimaneq tunngavigalugu soraarnerussutisiaqaataasussanik tapeqarpoq qaammammut ikinnerpaamik 3.758,82 kr.-nik. Piginnaasaqassuseq aallaavigalugu tapit isumaqatigiinniutigineqarnissaannut periarfissaqarpoq.

Suliffimmit allamit sulinngiffeqarallarsinnaanermut periarfissaqarpoq

Naalagaaffimmi tjenestemandit AC-llu isumaqatigiissutaat arlallit tunngavigalugit atorfeqartitaasut Namminersorlutik Oqartussat ataanni atorfinitsinneqarnermut atatillugu akissarsiaqaratik sulinngiffeqarallarsinnaatitaapput. Sulinngiffeqarallarsinnaatitaaneq pillugu aalajangersakkani katissimallugit aapparisat inooqatigisallu pineqartunut aamma ilaatinneqarput.

Aamma eqqumaffigineqassaaq Namminersorlutik Oqartussat ataanni atorfinitsinneqarnermut atatillugu sulinngiffeqarallarnissamik qinnuteqaatit akuersaarneqartarnissaat Danmarkimi Indenrigsministereqarfiup kommuninut nunallu immikkoortuinut inassuteqaatigisimammagu.

Namminersorlutik Oqartussani kommunimiluunniit atorfeqaruit ukiut suliffigisimasavit amerlassusaannik katersat uatsinni atorfinitsinneqarninni pigiinnassavatit.

Qin­nu­te­qaat

Qin­nu­te­qaat su­lif­fi­gi­si­ma­sat al­lat­tor­si­maf­fi­an­nik (CV-mik), bache­lo­ri­tut kandi­da­ti­tul­lu so­raa­rum­meer­ner­mut, ma­tu­ma­ni ka­rakte­rit al­lat­tor­si­maf­fii i­lan­ngul­lu­git eq­qar­saa­ti­ga­lu­git, up­per­nar­saa­ti­nik al­la­gaa­ti­nil­lu al­la­nik ta­ma­tu­mun­nga tun­nga­ssu­te­qar­tu­nik i­la­qar­tin­ne­qar­toq e-ma­i­lik­kut job@ombudsmand.gl-imut nassiunneqassaaq.

Qin­nu­te­qaat ki­ngu­sin­ner­paa­mik pingasunngornermi 4. juni 2025-­mi tigoreersimas-savarput. Atorfinitsitsinissami oqaloqatigiinnerit sap. ak. 24 aamma 25-mi ingerlan-neqarnissaat naatsorsuutigaarput. A­tor­fi­nit­sit­si­ni­ar­lu­ni o­qa­lo­qa­ti­gin­nin­ne­rit aallaavittut nammineq takkunnikkut ingerlanneqartarput, pissutsilli aallaavigalugit aamma qarasaasiaq atorlugu ingerlanneqarsinnaallutik. Oqaloqatiginninneq ataasiaannaanngitsumik ingerlanneqarsin-naavoq.

Nalinginnaasumik maannakkut sulisitsisorisamut imaluunniit pissutsit aallaavigalugit sulisitsisorisimasamut paasiniaanissamut akuersissut noqqaassutigisarpagut, taamatullu Pinerluuteqarsimanermut nalunaarsuisarfimmit tamatumunnga malittarisassat naapertorlugit allagartamik takussutissamik piniartarluta.

A­tor­fik Ka­laal­lillu Nu­naan­ni na­ju­ga­qar­neq su­li­ner­lu pil­lu­git a­taat­si­muu­ne­ru­soq paa­sis­su­tis­sat inatsisilerinermi pisortaq Lars-Christian Sinkbæk o­qa­ra­su­aa­tik­kut +299 32 78 10-k­kut nal. 10-14 saaf­fi­ga­lu­gu pis­sar­si­a­ri­ne­qar­sin­naap­put, pingasunngornerlu saaffiginnissutinut matoqqasarpoq (Danmar­ki­mit si­a­ne­ru­it Danmar­ki­mi na­lu­naa­qut­tap Ka­laal­lit Nu­naan­ni na­lu­naa­qut­ta­mit nal. ak. pingasunik si­ul­li­u­ne­ra eq­qaa­ma­juk).

Tusagaqarfiginissat qilanaaraarput.