Inatsisartut Ombudsmandeqarfiat ornigulluni saaffigineqarsinnaajunnaarallarpoq
Inatsisartut Ombudsmandeqarfiat Nuummi covid-19-ip tunillaassuunnera pissutigalugu ornigulluni saaffigineqarsinnaajunnaarallarpoq. Taamaattumik innuttaasut Ombudsmandip allaffeqarfianut ornigullutik saaffiginnissinnaajunnaarput.
Innuttaasut Ombudsmandemik oqaloqateqarusuttut Ombudsmandi oqarasuaatip normuanut 32 78 10-mut sianerlutik attaveqarfiginiarsinnaavaat. Piffissat Ombudsmandimut sianerfiusinnaasut uani takusinnaavatit.
Ornigulluni saaffiginnittoqaqqissinnaalerpat tamanna www.ombudsmandi.gl-ikkut nalunaarutigineqarumaarpoq.