Qaasuitsup Kommuniani meeqqat pillugit sulianit misissuataarneqartunit arfinilinnit suliani tallimani isorisariaqartunik kukkussuteqartoqarsimavoq. Nalunaarusiami nutaami Ombudsmandip tamanna inerniliuppaa.

Ombudsmandip suliani misissuataarneqartuni paasivaa akuersisitsinernik utertitsisoqartillugu iliuusissanullu pilersaarusiorani piffissamut sivikitsumut inissiisoqartillugu tamakkuninnga malitseqartitsisarneq kommunip ilaatigut ajornartorsiutigigaa.

Nalunaarusiami Ombudsmandi ilaatigut ima allappoq:

“Suliani arfinilinni tamani akuersinermut uppernarsaatinik iliuusissanullu pilersaarutinik peqarnera pitsaasutut isigaara. Tamatumunngali peqatigitillugu takusinnaavara Qaasuitsup Kommunia sulianit arfiniliusunit suliani tallimani isorisariaqartunik kukkussuteqarsimasoq. Tamanna ernumanartutut isigaara.”

Kommunip Qaasuitsup Kommuniata avinneqarnerata kingorna sulianik tigusisimasup kukkunerit ajuusaarutigai. Kommunip taamatuttaaq nalunaarutigaa kukkunerit taamaattut ikilisinniarlugit kommuni suliniutinik assigiinngitsunik aallartitsisimasoq.

Ombudsmandip nalunaarusiaa uani atuarsinnaavat.

Paasissutissat amerlanerusut oqarasuaammut 32 78 10-mut sianerluni pissarsiarineqarsinnaapput.