Suliami ilinniagaqarnersiutinik itigartitsinermut tunngasumi Inatsisartut Ombudsmandiata oqaaseqaammini oqaatigaa Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik (matuma kingornatigut Naalakkersuisoqarfimmik taaneqartartussaq) ungasianit ilinniakkanik ilinniagaqarnersiutisiaqaataasinnaatitaasunit ataatsimut ilaatitsinnginnissaminut inatsisikkut tunngavissaqanngitsoq.

Ombudsmandip tamatumunnga peqatigitillugu oqaatigaa ilinniagaqarnersiutisiaqaataasinnaatitaasunit ilaatitsinnginneq innuttaasunut toqqaannartumik qilersuisuusumillu sunniuteqartoq, taamaattumillu nalunaarutikkut aalajangersarneqassasoq. Ombudsmandi isumaqarpoq nalunaarut taamaattoq malittarisassat Inatsisartut Naalakkersuisullu pillugit inatsimmi Inatsisartut aalajangersarsimasaat malillugit tamanut nalunaarutigineqassasoq. Ombudsmandi isumaqarpoq Naalakkersuisoqarfiup inatsisitigut maleruaqqusanik aalajangersaasarneq tamanullu saqqummiussisarneq pillugit tunaartarisassanik nalinginnaasunik ilinniagaqarnersiutisiaqaataasinnaatitaasunit ilaatinneqanngitsunik allattuiffimmik nittartakkakkuinnaq saqqummiussinermigut saneqqutsisinnaanerata ilimaginissaanut naammattumik sakkortussuseqartumik ilimaginissaanut tunngavissaqanngitsoq.

Ombudsmandip inassuteqaatigaa naammagittaalliuut Naalakkersuisoqarfiup oqaaseqaammi oqaatigineqartut isiginiarlugit suliareqqissagaa.

Ombudsmandip Naalakkersuisoqarfik tamatuma saniatigut qinnuigaa oqaaseqaatip sunik isumaliutersuuteqarnissamut pissutissaqalersitsinera pillugu ilisimateqqulluni.

Ombudsmandip oqaaseqaataa uani takuuk.

Paasissutissat amerlanerusut uani pissarsiarineqarsinnaapput: Oqarasuaat nr. 32 78 10