Atorfeqarfinni suliat ingerlasut pingaaruteqarnerusutut tunngaviunerusumillu inissisimasut ilaat arlallit Inatsisartut Inatsisinut Ataatsimiititaliaannut nalunaarutigereerpakka, matumani Kalaallit Nunaanni kommunit meeqqanik angerlarsimaffiup avataanut inissiisarnerannik nammineerluni misissuiffiginninnermik suliaq ilanngullugu eqqarsaatigalugu.

Inatsiseqartitsineq naapertorlugu angajoqqaatut oqartussaassutsimik tigummiaqartup – meeqqallu 15-ileereersimaguni nammineq - inissiisoqarnissaanik akuersissutiginnissimanissaat pingaarutilerujussuusoq. Tassalu akuersissuteqartoqarsimanngippat taamalu ulluinnarni oqartarnertut pinngitsaaliissummik inissiineq pinngitsaaliissumilluunniit peersitsineq pineqarpat piumasaqaatit sakkortusisat atuupput.

Misissuinera sulianut inissiinerit akuersissuteqartoqarneratigut pisimagaluartut akuersinerup kingusinnerusukkut tunuartinneqarfigisimasaanut immikkut sammititaavoq.

Suliani taamaattuni malittarisassat sakkortusisat tunngavigalugit aalajangiisoqarpat kommunip inissiineq aatsaat aalajangiusimasinnaavaa.

Kommunit akuersissuteqartoqanngitsoq inissiinertut ittuni meeqqamut namminermut meeqqallu angajoqqaavinut taama sakkortutigisumik akuliunnikkut iliuuseqaraangamik malittarisassanik malinnittarnersut iliuuseqarnermullu tunngaviusoq eqqortuusarnersoq misissorniarpara.

Nuuk, 25. november 2015

Vera Leth