Allakkat Ineqarnermut Naalakkersuisoqarfiup Kommuneqarfik Sermersuumut nassiussimasai pillugit ulluni kingullerni tusagassiuutitigut oqallinneq malinnaaffigaara. Allakkani taakkunani Naalakkersuisoqarfik kommunit inissianik Namminersorlutik Oqartussanit pigineqartunik aalajangersimasunik tanikkut napparsimasunut atuinerat pillugu tunaartarisassanik sukumiinerusumik aalajangersaavoq.

Ineqarnermut Naalakkersuisoqarfik eqqarsaatigalugu suliami misissuinermik ullumikkut aallartitsivunga.

Ineqarnermut Naalakkersuisoqarfimmut allakkakka ataani erserput.

Vera Leth

Naalakkersuisoqarfiup suliaataa 2014-101350-imik normoqartoq – tarnikkut napparsimasunut inissianik tunniussisarneq

Allakkat Ineqarnermut Naalakkersuisoqarfiup Kommuneqarfik Sermersuumut nassiussimasai pillugit ulluni kingullerni tusagassiuutitigut oqallinneq malinnaaffigaara. Allakkani taakkunani Naalakkersuisoqarfik kommunit inissianik Namminersorlutik Oqartussanit pigineqartunik aalajangersimasunik tarnikkut napparsimasunut atuinerat pillugu tunaartarisassanik sukumiinerusumik aalajangersaavoq.

Allakkat pineqartut atuarnissaannut periarfissaqarsimavunga. 

Ombudsmandi pillugu inatsimmi § 5, imm. 1 innersuussutigalugu Ineqarnermut Naalakkersuisoqarfik qinnuigaara suliami oqaaseqaateqaqqullugu, matumunngalu ilanngullugu Naalakkersuisoqarfik qinnuigalugu inissiat pineqartut ataatsimut inunnut tarnimikkut napparsimasunut innersuunneqartannginnissaat pillugu Naalakkersuisoqarfik nalunaaruteqarnerminut atatillugu inatsiseqartitsinikkut sunik isumaliutersuuteqarsimanersoq nassuiaatigeqqullugu. Aammattaaq Ineqarnermut Naalakkersuisoqarfik qinnuigaara suliami allagaatit tamaasa uannut nassiuteqqullugit.

Paasissutissiissutigisinnaavara Kommuneqarfik Sermersooq ullumikkut allakkatigut qinnuigigakku suliami allagaatit kommunip suliami pigisai uannut nassiuteqqullugit, matumani suliami oqaaseqaat Institut for Menneskerettighederip saqqummiussimasaa ilanngullugu eqqarsaatigalugu.

Suliaq soorlu oqaatigineqareersutut tusagassiuutitigut oqallisigineqarmat Ombudsmandip misissuineranik matuminnga aallartitsineq pillugu tusagassiuutitigut naatsumik ullumikkut nalunaaruteqarniarpunga.

Inuulluaqqusillunga

Vera Leth