Inatsisartut Inatsisit Atortinneqarnerannut Ataatsimiititaliaat paaseqatigalugu aalajangerpunga oqaaseqaatima ilaasa ukiumoortumik nalunaarutinnut ilanngunneqartussat eqikkarneqarneri nittartakkami (ombudsman.gl-imi) NUTAARSIASSAT ataanni ilannguttalerniarlugit.

Ukiumoortumik nalunaarutiga ukiup nalunaarusiuunneqartup tulliani aatsaat tamanut saqqummiunneqartarmat innuttaasut sulinninnik ingerlaavartumik malinnaaffiginninnissaminnut periarfissaqartinneqarnissaat pingaartutut isigaara.

Eqikkaanerit nittartakkanni tamanut saqqummiunneqartut suliami pissusiviusut, qitiusumik apeqqutit eqikkaallungalu inerniliinerma naatsumik allaaserineqarnerannik imaqartassapput. Tamanut saqqummiussineq naammagittaalliortut suliamilu inuit ataasiakkaat illua'tungiusut pillugit paasissutissat paasissutissallu allat ilanngunnagit pineqartulluunniit kinaassusii ilisarnarunnaarsillugit pisassaaq.

Nittartakkami eqikkaaneq oqaaseqaatip tamakkerluni ukiumoortumik nalunaarummi ilanngunneqarnissamisut oqaaseqartaqarluni ilusilerneqarneranut pdf-inngortitamut (linkikkut) attavilerneqassaaq.

Nutaarsiassaatinnik atuartartut suliat pillugit erseqqinnerusumik paasisaqarusukkunik uannut saaffiginninnissaminnut aamma tikilluaqqusaapput.

Vera Leth