Nutserisut/oqalutsit pisortaattut atorfik 1. januar 2023-mit erseqqinnerusumilluunniit isumaqatigiissuteqarnikkut sulilersussamik inuttassarsiorneqarpoq.

Illit

Marluinnik tamakkiisumik oqaaseqartuuvutit, oqaluttaanermik allattariarsornermilu nutserinermik ukiuni arlalinni sulinermi misilittagaqartuullutit. Nammineerlutit sulisinnaassuseqartuuvutit, peqqissaarluinnarlutit akisussaassuseqarluinnarlutillu sulisarlutit. Suliffimmi suliassiissutigineqartunik pitsaassuseqartumik pilertortumillu naammassinnissinnaallutillu ineriartortitsisinnaasuuvutit.

Pisortat ingerlatsivianni siusinnerusukkut sulisimanermi allattariarsornermilu inatsisilerinermut tunngasunik nutserinermi misilittagaqarneq iluaqutaassaaq.

Suliffik

Suliassaqarfitit pingaarnerit tassaapput allakkanik tiguneqartunik nassiunneqartussanillu nutserineq, ukiumoortumik nalunaarummut ilanngussassanik, tusagassiuutitigut nalunaarutinik, allaaserisanik il.il. nutserineq. Kalaallisut allatanik, tusagassiuutitigut nalunaarutinik allaaserisanillu naqitigassanngortitanik kukkunersiuineq aammattaaq suliassarisussaavat. Kiisalu innuttaasunik oqaloqateqarnermi oqaluttaaneq suliassavit ilagaat, matumani Ombudsmandip paaqqinniffinni il.il. misissuinerini kommuninullu angalanerini oqaluttaaneq ilanngullugu eqqarsaatigalugu.

Oqalutsit/nutserisut pisortaattut sulininni qulaani taaneqartut saniatigut oqaluttaanermik/nutserinermik suliassaqarfimmi suliassanik nalunaarsuineq, piaareersaaneq, tulleriiaarineq agguataarinerlu isumagisassarissavatit. Tamatumunnga atatillugu suliassaqarfimmi tassani aqutsinikkut ataatsimut tunaartarisassat suliarineqarnerat aamma isumagisarissavat. Tassani allanut suliassanngortitat tulleriiaarneqarnerini, naammassiniarneqarnerini malinnaavigineqarnerinilu tunaartarisassat allaganngorlugit suliarisussaassavatit. Ombudsmandeqarfimmi allakkat oqariartaatsillu aalajangersimasumik atorneqartut kalaallisut suliarineqarnerini tunaartarisassat kiisalu naalagaaffik ingerlatsinerlu pillugit inatsiseqartitsinermik suliassaqarfimmi oqaatsinik aalajangersimasumik atorneqartunik quppersagaliorneq aammattaaq isumagisassarisussaavat. Kiisalu oqalutsit/nutserisut atorfinitsinneqartut ilitsersorlugillu ilinniartinneqartarnissaat aamma oqaluttaanermik/nutserinermik ulluinnarni suliaqarnermi pingaarnerusutigut siunnersuineq suliassarissavat.

Inatsisilerinermi pisortaq qaninnerpaatut pisortarissavat.

 

Ombudsmandip suliassai

Ombudsmandi inatsiseqartitsinerup atuuttup Kalaallit Nunaanni Namminersorlutik Oqartussani kommuninilu oqartussaasunit malinneqarneranik nakkutilliisutut Inatsisartunit qinigaavoq.

Innuttaasut naammagittaalliuutaat Ombudsmandip pingaarnertut suliarisarpai. Ombudsmandi tamatuma saniatigut sulianik nammineerluni misissuiffiginnissinnaavoq, soorlu tusagassiuutitigut eqqartuisoqarnerata kingornatigut, taamatuttaarlu Ombudsmandi kommuninut angalasarpoq paaqqinniffinnilu assigiinngitsuni misissuisarluni. Tamanna isornartorsiuinermik nassataqarsinnaavoq, oqartussaasulluunniit kaammattorneqarsinnaallutik aalajangiinitik periaatsitsilluunniit allanngorteqqullugit.

 

Suliffeqarfik pillugu

Suliffeqarfeerannguuvugut, tassanilu sulisut tassaalluta Ombudsmandi, inatsisilerinermi pisortaq, inatsisilerituutut sulianik suliarinnittut arfinillit, oqalutsit/nutserisut pisortaat, oqalutsi/nutserisoq aamma allatsi.

Suliffeqarfik ingerlalluartoq sulinermi pitsaasunik avatangiiseqarfiusoq suliassallu tamarmiusut naammassiniarneqarnerini ikioqatigiiffiusoq neqeroorutigaarput.

Akissarsiat atorfinitsinneqarnermilu atugassarititaasut

Nammineq isumaqatigiissuteqarneq tunngavigalugu atorfinitsinneqassaatit, tassanilu akissarsiat atorfinitsinneqarnermilu atugassarititaasut misilittagaqarneq pisinnaassaqassuserlu tunngavigalugit aalajangersarneqassallutik.

Inissaqartitsivugut malittarisassat atuuttut tunngavigalugit akilersorneqartussamik. Atorfinikkiartorlutit angalaninnut pisattavillu assartorneqarnerannut aningaasartuutit uagut akilissavavut.

Qinnuteqaat

Qinnuteqaat kalaallisut qallunaatullu allanneqassaaq, uungalu e-mailikkut nassiunneqassalluni: job@ombudsmand.gl.    

Qinnuteqaat soraarummeersimanermut uppernarsaatitalik atorfeqarfigisimasannullu takussutis-siaq (CV) uatsinnit kingusinnerpaamik tallimanngornermi 7. oktober 2022-mi tiguneqareersimassaaq. Atorfinitsitsiniarluni oqaloqatiginninnerit sap. ak. 42-p ingerlanerani ingerlanneqar-nissaat naatsorsuutigineqarpoq.

Qinnuteqaateqartut atorfinitsitsiniarluni oqaloqatigineqarnermut atatillugu allattariarsorlutik misilinneqarnissartik naatsorsuutigissavaat.

Paasissutissat amerlanerusut oqarasuaatip normuanut 32 78 10-mut sianerluni inatsisilerinermi pisortaq Kim Blokbo oqaloqatigalugu pissarsiarineqarsinnaapput.