Sulianik Naalakkersuisoqarfiup Siulittaasuata Naalakkersuisoqarfiata allagaatinik paasitinneqarnissaq pillugu suliarinninnera pillugu misissuinermik nammineerlunga aallartitsiniarlunga ullumikkut aalajangerpunga.

Tamatuma tunuliaqutaa tassaavoq eqqartuussissuserisup tusagassiisarnermi ataqatigiissaarisoq aamma inatsisilerinermi pisortaq pillugit sulianik taaneqartut pillugit misissuineranik atuarninni paasigakku allagaatinik paasitinneqarumalluni qinnuteqaatinik suliarinninnermi arlalinnik kukkussuteqartoqartarsimasoq.

Tamanna tunuliaqutaralugu isumaqarpunga sulianik taamaattunik Naalakkersuisut Siulittaasuata Naalakkersuisoqarfiata ataatsimut suliarinnittarneranik misissuiguma eqqornerpaassasoq.

Misissuineq imatut ingerlanneqassaaq uanga sulianik arlalinnik qinersissaanga, malittarisassallu pisortatut oqartussaasunut atuuttut naapertorlugit taakkua suliarineqarsimanersut naliliiffiginissaat siunertaralugu misissuillunga, matumani Pisortat ingerlatsinerat pillugu paasitinneqarsinnaatitaaneq pillugu inatsit aamma suliassat suliarineqartarnerat pillugu inatsit ilanngullugit eqqarsaatigalugit.

Misissuinermi suliat amerlangaatsiartut pineqartussaammata misissuinerma qaqugu inerneqarnissaa ilimagineriga massakkorpiaq paasissutissiissutigisinnaanngilara.

Vera Leth